08 ноя 16:24
Янгиликлар

Бокс/ММА

Тете чемпионлик камарларини бирлаштириш йўлида Суперсерия ғолибини рингга чорлади

Енгил вазн тоифасида WBO йўналиши чемпиони Золани Тете 2020 йилда ўз вазни чемпионлик камарларини бирлаштириш истагида эканлигини маълум қилди.

Тете бу йўлда Бутунжаҳон Суперсерияси ғолиби, WBA ва IBF йўналишлари чемпиони япониялик Наоя Иноуега қарши рингга чиқмоқчи. Аслида Тете ҳам Суперсерияда иштирок этганди. Лекин WBA чемпиони Нонито Донэрга қарши ўтказилиши керак бўлган ярим финал жанги арафасида елкасидан жароҳат олган эди.

Финалга жангсиз йўл олган Донэр эса кеча ўтказилган ҳал қилувчи баҳсда айнан Иноуега очколар ҳисобига кўра имкониятни бой бериб қўйди. Золани Тете 30 ноябрь куни Жонриэль Касимерога қарши ҳимоя жангини ўтказади.