Техника мўъжизасини кўрганмизу, лекин бунақасини... Санжар Зокировнинг жанги рақиби йўқолиб қолгани сабаб бекор қилинди

Мусобақа доирасида ўзбекистонлик аралаш яккакураш устаси Санжар Зокиров япониялик Хироба Миноуа билан жанг қилиши керак эди. Аммо жанг бошланишига бир соат қолганида ҳам рақиб аренага етиб келмаган ва уни ҳатто топиша олмаган. Ташкилотчилар жангни бекор қилишга мажбур бўлган. Санжар Зокиров эса мусобақани аренадан мухлис сифатида томоша қилишдан ўзга чора топа олмади.

Ҳозирча Миноуанинг нима сабабдан жангга келмагани ва унга ниисбатан қандай жазо қўлланилиши маълум эмас.

Эслатиб ўтамиз, аслида мазкур жанг 6 сентябрь куни АҚШнинг Колорадо штати Денвер шаҳрида ўтказилган ONE 168 турнирида бўлиб ўтиши лозим эди. Аммо жанг кечроқ муддатга қолдирилганди.

Маълумот учун, Санжар Зокиров фаолияти давомида 10 та жанг ўтказиб, уларнинг барчасида рақибларидан устун келган. Япониялик Миноуа ҳисобида эса 14 ғалаба ва 5 мағлубият бор.