13 мар 21:15
Янгиликлар

Бокс/ММА

Тезкор. Шоҳжаҳон Эргашев қайтмоқда! Боксчимизнинг навбатдаги рақиби, жанг санаси ва манзили аниқ + ПОСТЕР

Супер енгил вазн тоифасида IBF камари учун собиқ даъвогар Шоҳжаҳон Эргашев қачон рингга қайтиши маълум бўлди.

Ҳамюртимиз 28 март куни АҚШнинг Мичиган штати, Детройт шаҳрида ташкил этилаётган DAZN ҳамда Salita Promotions ҳамкорлигидаги оқшомда жанг қилади. Унга панамалик чарм-қўлқоп устаси Хуан Хуертас рақиблик қилади.

Маълумот учун, Хуан Хуертас фаолияти давомида 22 та жанг ўтказиб, 17 та ғалаба, 4 та мағлубият ва 1 та дуранг қайд этган. У ғалабаларининг 13 тасида рақибларини муддатидан олдин таслим этган.

Эслатиб ўтамиз, Шоҳжаҳон Эргашев 2023 йил 26 ноябрь куни АҚШда IBF чемпиони Сабриэль Матиас билан жанг қилиб, муддатидан олдин мағлубиятга учраган эди. Бу унинг фаолиятидаги ҳозирча ягона мағлубият бўлиб турибди.