11 фев 11:10
Янгиликлар

Тадбирлар

ТЕЗКОР! Собиқ вазирликда янги спорт раҳбари таништирилмоқда

Айни дақиқаларда эндиликда собиқ Жисмоний тарбия ва спорт вазирлигида йиғилиш бўлиб ўтмоқда.

Olamsport.com сайтига етиб келган маълумотларга таянадиган бўлсак, Бош вазир ўринбосари Азиз Абдуҳакимов ходимларга янги спорт вазири сифатида таништирилмоқда. Тадбирда Президентнинг давлат маслаҳатчилари ҳам иштирок этмоқда.

Катта эҳтимол билан Азиз Абдуҳакимовнинг спорт масалалари бўйича икки ўринбосари тайинланади. Шу кунгача Равшан Эрматов вазирнинг биринчи ўринбосари сифатида ишлаб келаётганди. Бир муддат аввал Аваз Каримов ҳам вазир ўринбосари етиб тайинланганди.

Тўлиқ тавсилотлар билан бироздан сўнг таништирамиз.

Кеча хабар берилганидек, Жисмоний тарбия ва спорт вазирлиги Туризм қўмитаси билан бирлаштирилади. Ушбу янги ташкилотга Ўзбекистон Республикаси Бош вазири ўринбосари Азиз Абдуҳакимов раҳбарлик қилади.