Тезкор хабар! ФИФА марказлашган тартибдаги ЖЧ саралаш ўйинларини бекор қилади

Лекин бу усул кўп терма жамоаларларга маъқул келмади ва баъзи жамоалар ФИФАга буни бекор қилиш таклифи билан чиқди. Масалан, "C" гуруҳи иштирокчиси Эрон қолган 4та ўйиндан учтасини ўз майдонида ўтказиши лозим эди, бироқ марказлашган мусобақа сабаб эндиликда Баҳрайнга боришга мажбур. Эронликлар уйда асосий рақиблари Баҳрайн, Гонконг ва Ироқ билан ўйнашлари керак эди. 

Шунингдек, "G" гуруҳида Шарқий Осиё давлатлари - Вьетнам, Малайзия, Таиланд ва Индонезиянинг БААга боришига тўғри келади. Негаки ОФК қолган ўйинларни БААда ўтказишни лозим топган. Бу ҳам жамоаларнинг норозилигига сабаб бўлди. Саралашда иштирок этаётган бир нечта давлатларнинг ёзма аризаси туфайли ФИФА марказлашган мусобақани беқор қилиш ҳақида бир тўхтамга келди. 

Буёғига катта эҳтимол билан ўйинлар яна уй-меҳмон тарзида давом эттирилади. Фақат бунинг учун янги саналар эълон қилиниши кутилмоқда. Агар шундай бўлса, Ўзбекистон терма жамоаси Тошкентда Сингапурни қабул қилиб, меҳмонда Яман ва Саудия Арабистони билан ўйнайди.