The Race 2010-2019 йиллар оралиғидаги энг яхши Формула-1 ҳайдовчилари рейтингини эълон қилди

Журналистларнинг таъкидлашича, улар барча 66 ҳайдовчининг қобилиятини эмас, балки уларнинг муваффақияти, чиқишлар давомийлиги, барқарорлиги, мослашувчанлиги, Формула-1`нинг эпик лаҳзаларида иштирок этиши ва бошқа сон-саноқсиз омиллари асосида баҳоланган. Рейтинг фақат белгиланган вақт оралиғидаги пойгаларни ҳисобга олади.

Унга кўра, биринчи ўринни "Мерседес" учун бешта чемпионлик унвонини қўлга киритган, шунингдек, ўн йилликнинг бошида "Макларен" жамоаси шарафини ҳимоя қилган Льюис Хэмилтон эгаллади. 

"Ред Булл" билан тўрт карра жаҳон чемпионлигига эришган Себастьян Феттель иккинчи ўриндан жой олган бўлса, Фернандо Алонсо кучли учликни якунлаб берди. Испаниялик пилот 2016 йилги чемпион Нико Росбергни ортда қолдирган бўлса, амалдаги чемпион ва мавсум етакчиси Макс Ферстаппен саккизинчи поғонани банд этди.

The Race. 2010 йилдан 2019 йилгача бўлган энг яхши 10 нафар Формула-1 пилотлари:

1. Льюис Хэмилтон

2. Себастьян Феттель

3. Фернандо Алонсо

4. Нико Росберг

5. Женсон Баттон

6. Марк Уэббер

7. Даниэль Риккардо

8. Макс Ферстаппен

9. Кими Райкконен

10. Валттери Боттас

Ҳозирда Формула-1'да фаолиятини давом этирраётган бошқа ҳайдовчилар қуйидаги ўринларни эгаллашди: Шарль Леклер - 11, Серхио Перес - 13, Карлос Сайнс - 18, Михаэль Шумахер - 20, Кевин Магнуссен - 22, Эстебан Окон - 24, Пер Гасли - 25, Ландо Норрис - 29, Жорж Расселл - 41.