Тиловов 12 дақиқа давом этган баҳсда Олимпиада чемпионини мағлуб этди

Ўзбекистонлик дзюдочиларнинг иштирокини Муҳриддин Тиловов бошлаб берди. -66 кг вазн тоифасидаги юртдошимиз илк даврада россиялик тажрибали рақиб, Рио-2016 Олимпиадаси чемпиони Беслан Мудрановга қарши баҳс олиб борди. 

Қўшимча бўлим билан ҳисоблаганда 12 дақиқадан кўпроқ давом этган учрашувда Тиловов номдор рақибини мағлубиятга учрата олди. Энди Муҳриддин иккинчи даврада япониялик жаҳон чемпиони Хифуми Абега қарши татамига чиқади.