Тим Цзюни мағлуб этган Фундора кейинги рақиби ким бўлишини айтди

Америкалик бўйдор боксчи кеча Лас-Вегасда ўтган проф бокс оқшомининг марказий жангида эндиликда WBO камарининг собиқ соҳиби, австралиялик Тим Цзюни очколар ҳисобига кўра мағлубиятга учратиб, рақибига илк мағлубиятни тақдим этганди. Фундора WBO камари билан бирга вакант бўлиб келган WBC чемпионлик камарини ҳам қўлга киритди.  

"Эррол Спенс – ажойиб жангчи! У билан жангимиз ташкил этилса ёмон бўлмасди. Лекин Теренс Кроуфорд дунёнинг энг зўри. Мен кейинги жангимни айнан унга қарши ўтказишни хоҳлайман. Бироқ, масаланинг молиявий томонини ҳам ўйлашимиз керак. Бу жиҳатдан Спенсга имконият бермасам, мен томондан аҳмоқлик бўлади. Бокс — бу бизнес! Эррол 70 кг вазнда ўзини яхши ҳис қилади. У билан жангимиз кўп рекордларни янгилаши мумкин", — деди Фундора.

Эслатиб ўтамиз, ҳамюртимиз Исроил Мадримов ушбу вазн тоифасида WBA чемпионлик камари соҳиби бўлиб турибди.