17 мар 17:51
Янгиликлар

Футбол

Тимур Кападзенинг терма жамоадаги мураббийлар штабига беларуслик мутахассис қўшилди

Бу ҳақда ЎФА матбуот хизмати маълум қилди.

"Ўзбекистон олимпия терма жамоасида Тимур Кападзе штабида фаолият олиб борган беларуслик мутахассис Михаил Ерамчук миллий терма жамоада ҳам бош мураббийга ёрдам беради", – дейилади хабарда.

Аввалроқ Қирғиз Республикаси терма жамоаси бош мураббийи Максим Лисицин Ўзбекистон билан учрашув олдидан фикрлари билан ўртоқлашган эди.

Эслатиб ўтамиз, Ўзбекистон терма жамоасини олдинда ЖЧ 3-саралаш босқичидан ўрин олган Қирғиз Республикасига қарши муҳим баҳс кутиб турибди. Учрашув 20 март куни "Бунёдкор" стадионида 21:00 да бошланади.