10 дек 08:05
Янгиликлар

Бокс/ММА

Тишенко - Харт жангида янги вазннинг илк чемпиони аниқланди

БААнинг Дубай шаҳрида бокс бўйича "IBA чемпионлар оқшоми" бўлиб ўтди.

Жанглардан бири янги вазн тоифаси (101,6 килограммгача) чемпионлик камари учун кечди. Унда ҳаваскорлар ўртасида Олимпиада чемпиони, россиялик Евгений Тишенко (12-1, 7 KO) германиялик Леон Харт (22-5-1, 13 KO)га қарши WBA чемпионлик камари учун рингга кўтарилди.

Жанг олтинчи раундда Тишенконинг нокаутли ғалабаси билан якунланди ва у янги вазннинг илк чемпионига айланди. 32 ёшли Евгений Тишенко 2018 йилда профессионал боксда дебют қилган. Аксарият жангларини биринчи оғир вазн (90,7 кг.гача) тоифасида ўтказган. Ягона мағлубиятини Жанубий Африка Республикаси вакили Табисио Мчунудан қабул қилиб олган.