Титул ҳомийси ўзгарган "Хаас" янги логотипини кўрсатди + ФОТО

У пойга жамоасининг номини, шунингдек, титул ҳомийга айланган халқаро молиявий бозорларда фаолият юритувчи MoneyGram молиявий компания номини бирлаштиради. Шу йилдан бошлаб жамоа расман MoneyGram Haas F1 Team деб номланади.

Аввалроқ "Хаас"нинг ҳомийси "Уралкали" бўлган. Россия компанияси билан келишув ўтган йилнинг март ойида Украина атрофидаги воқеалар фонида бекор қилинган эди.

Эслатиб ўтамиз, "Хаас" ўтган мавсумда "Формула-1"да Конструкторлар чемпионатида саккизинчи ўринни эгаллади. Америка пойга жамоаси 38 очко тўплаганди. Кубокни 759 очко билан "Ред Булл" қўлга киритди. 2021 йилги мавсумда эса "Хаас" бирорта ҳам очко ололмаганди.