24 авг 17:34
Янгиликлар

Бокс/ММА

Тожикистонлик жангчи Road to UFC турнирида ғалаба қозонди, аммо унга UFC шартномаси берилмади

У ўзбекистонлик аралаш якка кураш устаси Бобур Қурбонов билан ҳам жанг қилган.

Бугун тонгда АҚШнинг Лас-Вегас шаҳрида Road to UFC мусобақаси ўтказилди. Унда тожикистонлик 24 ёшли ММА устаси Самандар Муродов (11-0) ҳам октагонга кўтарилди. Спортчига америкалик Жонатан Пирсма рақиблик қилди.

Жанг тўлиқ давом этди ва унда ҳакамларнинг ядкил қарори билан Самандар Муродов 30:27 ҳисобида ғалаба қозонди.

Бироқ маълум бўлишича, унга UFC шартномаси берилмаган. Самандар ўтган йилнинг октябрь ойида ҳам мазкур турнир доирасида жанг қилиб, рақибини илк раундда сабмишен орқали мағлуб этган, бироқ UFC'га ўта олмаган эди.

Маълумот учун, Душанбе шаҳрида туғилган спортчи жорий йилнинг январь ойида тажрибали ҳамюртимиз Бобур Қурбонов билан жанг қилиб, ғалабага эришган эди.