14 янв 17:57
Янгиликлар
Тожикистонлик "Танк" UFC'даги навбатдаги жангини "Фаластин фахри"га қарши ўтказади
UFC 2 март куни Саудия Арабистонининг Ар-Риёд шаҳрида ўтадиган UFC Fight Night турнири учун навбатдаги жангни эълон қилди.
Ушбу мусобақа доирасида енгил вазн тоифасида тожикистонлик аралаш якка кураш устаси, "Тожик танки" лақаби билан машҳур Лоик Ражабов (17-5-1) октагонга чиқади. 33 ёшли Лоикга мусобақа доирасида Фаластин вакили Абдул-Карим Ал-Селведи (15-3-0) рақиблик қилади. Жанг предим кард доирасида 3 раунддан иборат бўлади.
Ражабов учун бу UFC'даги учинчи жанг бўлади. У аввалги жангларида бир ғалаба ва бир мағлубият қайд этган. Охирги жангини эса 2023 йил июнь ойида Матеуш Ребецкига қарши ўтказиб, муддатидан олдин мағлуб бўлган.
"Фаластин фахри" Абдул-Карим эса UFC'да дебют жангини ўтказади. У лигага Дана Уайтнинг даъвогарлар сериясида ғалаба қозониш орқали йўл олган.
Ҳавола :
Манба : olamsport.com
Фикрлар