27 авг 09:06
Янгиликлар

Дзюдо, Токио-2020

Токио-2020: Илк олтинга яқинмиз. Учқун Қуранбоев финалда!

Ҳозиргина Токио-2020 ёзги Паралимпия ўйинларининг дзюдо беллашувларида ярим финалдан ўрин олган бир учрашув якунланди.

-66 кг вазн тоифасида юртимиз шарафини ҳимоя қилаётган парадзюдочимиз Учқун Қуранбоев ярим финалда украиналик Давид Хоровани иппон баҳоси эвазига мағлубиятга учратди ва финалга йўл олди. Қуранбоевнинг Паралимпия ўйинларининг олтин медали учун кечадиган беллашувдаги рақиби испаниялик Серхио Банон Ибаньес бўлади.

-60 кг вазн тоифаси беллашувларидаги паралимпиячимиз Шерзод Намозов эса бронза медали йўлидаги илк ўтиш баҳсида жазоирлик Ишак Оулдкудирдан устун келди. Бироздан кейин у мўғулистонлик Ядамдорж Суҳбаатарга қарши татамига чиқади. Ғолиб парадзюдочи бронза медали учун курашиш ҳуқуқини қўлга киритади.