Токио-2020: Оғир атлетикачиларимиз қайси кунлари иштирок этишади?

Руслан Нурудиновнинг Риодаги муваффақиятини ёшларимиз Токиода давом эттиришини барчамиз ният қилиб қоламиз.

Маълумки, терма жамоамиз ушбу спорт турида берилган квотадан максимум даражада фойдаланган. Токиода 4 нафар атлетимиз (2 эркак ва 2 аёл) юртимиз шарафини ҳимоя қилишади. Агар Сиз оғир атлетикачиларимизнинг чиқишига бефарқ бўлмасангиз, марҳамат, қуйидаги сана ва вақтни алоҳида белгилаб қўйишингиз мумкин:

25 июль: Адҳамжон Эргашев (-67 кг), соат 15:50;
26 июль: Муаттар Набиева (-55 кг), соат 15:50;
1 август: Кумушхон Файзуллаева (-76 кг), 15:50;
3 август: Акбар Жўраев (-109 кг), 15:50.

Спортчиларимизнинг чиқиши Тошкент вақти билан кўрсатилган.

Эътиборлиси, барча вакилларимиз “А” гуруҳида медаллар учун кураш олиб боришади. Жамоамиз ҳозирда Украинада ўқув-машғулот йиғинининг сўнгги босқичини олиб бормоқда ва 20 июль куни Японияга йўл олади.