Токио Олимпиадаси лицензиантлари тақдирланди (+ФОТОГАЛЕРЕЯ)

Тадбирда Ўзбекистон Республикаси Бош вазирининг ўринбосари, Туризм ва спорт вазири Азиз Абдуҳакимов, Касаба уюшмалари федерацияси раиси Қудратилла Рафиков, Миллий Олимпия қўмитаси раиси Рустам Шоабдураҳмонов, спорт фахрийлари, кенг жамоатчилик вакиллари ва журналистлар  иштирок этишди.

Сўз олганлар Президент ва ҳукуматимиз томонидан спортни ривожлантиришга қаратилаётган эътибор хусусида тўхталиб ўтишди.

Тадбирда Касаба уюшмалари таркибида бўлган Токио-2020 лицензиатлари, жумладан, оғир атлетикачилар Акбар Жўраев, Муаттар Набиева ва Кумушхон Файзуллаева, енгил атлетикачи Суҳроб Хўжаев, академик эшкак эшувчи Собир Сафаралиев Касаба уюшмалари федерацияси томонидан 10 миллион сўмдан, уларнинг мураббийлари эса 5 миллион сўмдан пул мукофоти билан тақдирланишди. Ўз навбатида, йирик халқаро мусобақаларда ғолиб ва совриндорлар қаторидан жой олган Муҳаммадқодир Тоштемировга ҳам муносиб эътибор кўрсатилди.

Ўз навбатида, атлетларимиз муҳтарам Президентимиз ва ҳукуматимизнинг бундай эътиборидан хурсанд эканликларини билдириб, келажакда Янги Ўзбекистон учун янги ғалабалар тақдим қилишга ваъда беришди.

Муаллиф: Алимурод Мамадаминов