Том Аспиналл: "Боксни қаттиқ ҳурмат қиламан, аммо бир нарсаси умуман ёқмайди"

"UFC'нинг кучли ўнлигида доимо элит жангчилиар бўлади. Улар бир-бирини ютиб қўйишлари мумкин. Боксни жиддий танқид қилмоқчи эмасман, бироқ у ерда кўп нарсани олдиндан айтса бўлади, натижалар олдиндан деярли аниқ. Бизда барчанинг имкониятлари 50га 50.

Боксни қаттиқ ҳурмат қиламан. Ушбу спорт турининг техникаси ва билимларини олишга ҳаракат қиламан. Классик жангларни, эски мактаб фаолиятини тахлил қилишни яхши кўраман. Бироқ бокснинг тизими, ушбу спорт турининг ривож йўли умуман ёқмайди. 

Эдди Хирн ва Фрэнк Уоррен нималар билан шуғулланаётганига қаранг. Агарда кард 10 жангдан иборат бўлса, уларнинг 8таси ғолибини олдиндан айта оласиз. Дунёнинг энг зўр боксчилари бир-бири билан жанг қилишни истамайди. Бу эса менга ёқмайди", - деди UFC'нинг оғир вазнидаги вақтинчалик чемпиони Том Аспиналл.