Тони Фергюсон келгуси фаолияти борасида қарор қабул қилди

Америкалик UFC октагонидаги кетма-кет сўнгги 6 та жангида мағлубият аламини тотиб кўрганди. 

"Мен Барбоза ва Томсонга қарши кечган жангларимдан кейин тузукроқ спарринглар ҳам ўтказмадим. Қафасга яхши тайёргарликсиз кирдим. Айниқса, пандемия даврида бу камчилик яққол кўзга ташланиб қолди. Ўша пайтда ўзим эмас, бошқалар ҳақида кўпроқ ўйлашга, қайғуришга тўғри келди. Ўзим аввалгидек бахтли ҳис эти учун кўп куч керак бўлди. Ҳозирга келиб мен ўзимни зиён етказадиган барча ёмон иллатлардан ҳимоялаб, чегаралаб олдим. Хатоларни такрорламаслик учун қатъий чораларни қабул қилдим. Йўқ, мен нафақага чиқмайман! Бу ҳақда ўйлаётганлар бекорларни айтибди. Мен ўз ишимдан роҳатланишни хоҳлайман", - дея ўзининг ижтимоий тармоқдаги саҳифасида хабар қолдирга америкалик 39 ёшли UFC жангчиси. 

Эслатиб щтамиз, Тони Фергюсон ўтган ой Бобби Гринга қарши октагонга чиқиб, учинчи раундда учбурчак усули билан рақибига ютқазиб қўйганди. Бу унинг кетма-кет қабул қилиб олган олтинчи мағлубияти эди. "Эл-Кукуй" фаолиятидаги ҳозирча сўнгги ғалабасини 2019 йилнинг июнь ойида қўлга киритганди. Ўшанда Тони Дональд Серронени техник нокаутга учратган эди.