Тони Фергюсон: Хабиб мендан думини ликиллатиб қочиб кетди

У бу орқали доғистонлик чемпионнинг фикридан қайтармоқчи бўлаяпти. 

"Хабиб фаолиятини якунлаганидан хайратга тушмадим. Нурмагомедовнинг менежери Али Абдел-Азиз ўз ишини қилди. У ўз мижозини ўта жиддий рақибдан қутқариб қолди. Хабиб мендан қочиб кетди. Россиялик бу йигитлар мендан ҳар қандай баҳоналар билан қочиб қолишмоқда. Жин урсин, бу доғистонлик мендан думини ликиллатиб қочиб кетди. Майли, ММАда ўтказган фаолиятингни қадрлайман. Оилавий ишларинг билан машғул бўл. Агар қайтмоқчи бўлсанг, сен билан октагонда кўришамиз", — деган Фергюсон.

Эслатиб ўтамиз, UFC Хабиб — Фергюсон жангини ташкил этиш учун беш бор уринган. Лекин барча уринишлар бесамар кетган.