Тони Фергюсон Хабиб Нурмагомедовнинг маслаҳатига кескин жавоб берди

Собиқ UFC чемпиони Хабиб Нурмагомедов мағлубиятлари кетидан обрўси тушиб бораётган америкалик аралаш яккакураш устасига фаолиятини якунлаш, ёшларга йўл бўшатиш кераклигини маслаҳат берганди. 

"Жин урсин, нималар деяпсан? У 40 ёшида ҳам муаммоларсиз вазн қила олаётган жангчига шу маслаҳатни беряптими? Ўзингга ўхшаган семизларга берасан бу маслаҳатингни", - деди америкалик 40 ёшли Тони. 

Эслатиб ўтамиз, Фергюсон 4 август тонгида ватандоши Майкл Кьесега имкониятни бой бериб қўйганди. Майкл номдор рақибини бўғиб қўйганди. Ўша жангдан кейин Тони Фергюсон қўлқопларидан биттасини октагонда қолдириб, кейинги фаолиятини давом эттириш ёки якунлаши ҳақида ўйлаб кўришини айтганди.