Топурия Царукян ҳақида: "У менинг даражамда эмас ва шунчаки аҳмоқ"

14 июнь куни Топурия вақтинчалик чемпион Жастин Гэтжига қарши чемпионлик камарининг илк ҳимоясини ўтказади. Кейин эса у ҳар қандай рақиб, жумладан, Царукян билан жанг қилади.

У менинг даражам эмас, - деди Топурия "Yahoo Sports"га берган интервьюсида. — Агар учрашсак, биринчи раунддаёқ жағини синдираман. У нима қилади? Мени бошқа жойга ўтказишга уриниб кўрадими?

Қулоқ сол, ўзингни бос, — деб қўшиб қўйди Топурия Царукянга қараб. — Тинчлан ва ўз ишинг билан шуғуллан, кураш турнирларида қатнаш, стримларда иштирок эт, вақти келганда эса шунчаки жангга чиқ, қолган ҳамма ишни мен қиламан. Майда гап!".

Шунингдек, Топурия ижтимоий тармоқларда ҳамда яқинда бўлиб ўтган кураш ва грепплинг турнирларида Царукяннинг хатти-ҳаракатларини танқидий баҳолади, гарчи бу Арманни кенг жамоатчилик орасида анча таниқли қилган бўлса-да.

"Мен унинг қанчалик аҳмоқлигидан ҳайратдаман, - деди Топурия. — Ўзини ёш боладек тутади. Пўкакдек аҳмоқ. Арман билан кимнинг иши бор ўзи? Одамлар ўзларини бой қилиб кўрсатишларини ёқтирмайман. Биродар, сен бой эмассан... Сенда бор-йўғи уч-тўрт чақа пул бор, лекин у ҳам сеники эмас, отангники. Шунчаки лаънати бола".