06 июн 19:48
Янгиликлар

Бокс/ММА

Топурия Гэтжининг хотини ҳақидаги сўзларига "ответ" қилди: "Тез орада гапиришдан тўхтайди"

Америкалик аралаш яккакураш устаси Жастин Гэтжи Топуриянинг оилавий муаммоларига тўхталиб, агар унинг хотинининг ўрнида бўлганида ҳам Илияни тарк этишини айтганди.

Испан-грузиялик чемпион Жастин Гэтжининг бу гапларини эътиборсиз қолдирмади.

"Баъзи ҳаддан ташқари сергап одамлар бу қўлларнинг кучини ўзларида синаб кўргач, тез орада гапиришдан тўхтайдилар", - деб ёзди "El Matador" ижтимоий тармоқда, оёқларида ишлаётган машғулот видеосини эълон қилиб.

Аввалроқ, енгил вазн тоифасида амалдаги UFC чемпиони Илия Топурия Жастинни дастлабки беш дақиқадаёқ нокаутга учратишни режалаштираётганини маълум қилган эди. Енгил вазнлиларнинг бирлаштирувчи чемпионлик жанги 14 июнь куни Оқ уйда бўлиб ўтадиган UFC байрам турнирининг асосий воқеаси бўлади.