30 окт 18:36
Янгиликлар

Бокс/ММА

Топурия UFC 308 турниридаги ғалабаси учун берилган бонусдан норози

Ярименгил вазнда UFC чемпиони Илия Топурия UFC 308 турниридаги ғалабаси учун берилган мукофот пули камлигини айтмоқда.

Асли грузиялик аралаш яккакураш устаси ўтган шанба оқшомида Абу-Даби шаҳрида ўтказилган UFC 308 турнирида илк бор чемпионлик камарини ҳимоя қилганди.

"Мен Макс Холлоуэйни нокаутга учратдим. Бу афсонанинг илк нокаутли мағлубияти эди. Дана эса менга бор йўғи 50 минг доллар бонус пули берди. Умид қиламанки, келаси сафар у менга кўпроқ мукофот пули тақдим этади", — дея Топуриянинг норозилик сўзларини келтирди UFC матбуот хизмати.