Тўққиз боксчимиз Осиё чемпионати 1/2 финалида!

Чемпионатнинг кечаги кунида ўсмирлар ўртасида чорак финал беллашувлари ўтказилди. 

Унда иштирок этган Мафтуна Мусурмонова, Нилуфар Ҳамдамова, Робия Равшанова, Фарзуна Рўзиева, Севара Маматова, Хадичабону Бекова, Мафтуна Янгиева, Ҳикматилла Собиров ва Элёр Рустамов ўз вазн тоифаларида ғалаба қозониб, ярим финал босқичига йўл олди.  Афсуски, мазкур босқичда Мухтасар Алиева ҳамда Баҳора Эсонова каби боксчиларимиз имкониятни бой бериб қўйди.

Бугун, 4 сентябр куни 11 нафар ўсмирларимиз ярим финал йўлланмаси учун рингга кўтарилади. Баҳслар Тошкент вақти билан соат 13:00 да старт олди.

Бугун рингга кўтариладиган боксчиларимиз:

-50 кг: Муҳаммад Ризо Укимов — Мункҳ-Эрдене Одбаяр (Мўғулистон)

-52 кг: Беҳруз Қурбонов — Жиа-Хиан Су (Хитой Тайпейи)

-54 кг: Иброҳим Шокиржонов — Саедали Малакоутидеҳкорд (Эрон)

-57 кг: Жаҳонгир Зайнидинов — Виндел Сайтуна (Филиппин)

-60 кг: Саидхўжа Саъдиллахўжаев — Аҳмадшоҳ Ҳошимов (Тожикистон)

-63 кг: Сухроб Раҳматуллаев — Муҳаммадқодир Абдуманабов (Қирғизистон)

-66 кг: Жасурбек Усмонжонов — Житеш Сангван (Ҳиндистон)

-70 кг: Диёрбек Муродиллоев — Нурассил Каримбек (Қозоғистон)

-75 кг: Асилбек Абдусамадов — Фазлиддин Ваҳидов (Қирғизистон)

-80 кг: Жаҳонгир Эргашев — Куанг-Яо Ченг (Хитой Тайпейи)

+80 кг: Ислом Солиҳов — Криш (Ҳиндистон)