06 окт 08:48
Янгиликлар
Бокс/ММА
Тўққиз нафар боксчимиз Актаудаги турнирнинг ярим финалига чиқди
Шу кунларда Қозоғистоннинг Актау шаҳрида бокс бўйича халқаро хотира турнири давом этмоқда.
Ўз тарихида бешинчи бор ташкил этилаётган ушбу мусобақада Ўзбекистон терма жамоаси ҳам тўлиқ таркибда иштирок этяпти. Жамоамиз сафида Муроджон Аҳмадалиев, Элнур Абдураимов, Исроил Мадримов, Баҳодир Жалолов сингари асосий таркиб чарм қўлқоп усталаримиз бор.
Кеча халқаро турнирнинг иккинчи кунги баҳсларидан сўнг 9 нафар боксчимиз ярим финал йўланмасини қўлга киритишди. Биргина -52 кг вазндаги ҳамюртимиз Фозилжон Абдумуродов илк даврада мағлубиятга учраган эди.
Қолган боксчиларимиз Мироншоҳ Ибрагимов, Муроджон Аҳмадалиев, Элнур Абдураимов, Маҳмуд Ғоипов, Мадиёр Саидраҳимов, Исроил Мадримов, Отабек Холматов, Санжар Турсунов ва Баҳодир Жалолов рақибларини мағлубиятга учратиб, ярим финалга йўл олишди.
Ҳавола :
Манба : olamsport.com
Фикрлар
Баракалла узбек асл углонлари!!!Тулкин Киличевни таърифи билан айтганда:"Молодчики")))))