Тўрақўрғонда чемпионлар аниқланди + ФОТО

Мамлакатимизнинг барча ҳудудларидан 300 нафарга яқин ёш полвонлар иштирок этган мазкур чемпионатда беллашувлар қизиқарли ва муросасиз баҳсларга бой бўлди. Тошкентбой Яхшибоев бошчилигидаги ҳакамлар гуруҳи эса полвонларнинг ҳар бир чиқишини диққат билан кузатиб, кучлиларни саралаб боришди. 

Мусобақанинг биринчи кунида ўғил болалар белбоғли курашнинг классик йўналишида 11 та вазн тоифасида ғолиблик учун кураш тушишди ва қўйидаги спортчилар ўз вазн тоифаларида барча рақибларини енгиб, олтин медаль соҳибларига айланишди.

Ўғил болалар (классик йўналиш)

42 кг. 1. Хабибжон Абдурашидов (Тошкент ш.), 46 кг. 1. Абдумалик Дилшодбеков (Андижон), 50 кг. 1. Абдуқодир Турдихонов (Навоий), 55 кг. 1. Абдуқодир Авазбеков (Наманган), 60 кг. 1. Исмоил Умрзоқов (Наманган), 65 кг. 1. Фаёзбек Абдуғаффаров (Фарғона), 71 кг. 1. Самандар Анваров (Фарғона), 77 кг. 1. Жавоҳир Абдуллажонов (Наманган), 83 кг. 1. Муроджон Собиржонов (Наманган), 90 кг. 1. Ойбекжон Муҳаммаджонов (Фарғона), +90 кг. 1. Баҳодир Меҳмонов (Фарғона).

Чемпионатнинг иккинчи кунида тақвим – режага мувофиқ, ўғил болалар эркин йўналишда ҳам классикдаги каби 11 та вазн тоифасида, қизлар эса шу йўналишда 7 та вазнда куч синашишди.

Қизлар (эркин йўналиш)

44 кг. 1. Моҳирахон Қаххорова (Андижон), 48 кг. 1. Зулайхо Абдужабборова  (Наманган), 52 кг. 1. Юлдуз Абдуллаева (Сирдарё), 57 кг. 1. Шоҳистахон Содиқова (Фарғона), 63 кг. 1. Қизлархон Ҳусанова (Наманган), 70 кг. 1. Озодахон Сатторова (Фарғона), +70 кг. 1. Динара Қосимова (Наманган).

Ўғил болалар (эркин йўналиш)

42 кг. 1. Тоҳиржон Ҳабибуллаев (Наманган), 46 кг. 1. Ҳаётбек Камолиддинов (Фарғона), 50 кг. 1. Асадбек Эргашалиев (Фарғона), 55 кг. 1. Жамолиддин Неъматуллаев (Наманган), 60 кг. 1. Умиджон Муҳаммедов (Навоий), 65 кг. 1. Отабек Абдурашидов (Наманган), 71 кг. 1. Исломбек Рахимқулов   (Наманган), 77 кг. 1. Камронбек Алижонов   (Наманган), 83 кг. 1. Имомали Толибоев (Фарғона), 90 кг. 1. Жасурбек Валижонов (Фарғона), +90 кг. 1. Тошпўлат Асадов (Бухоро).

Беллашувлар якунига етгач ғолиб ва совриндорлар мусобақа ташкилотчилари томонидан диплом, медал ва қимматбаҳо эсдалик совғалари билан мукофотланишди.

Бокенбай САДУАКАСОВ, олимпия ва миллий спорт турлари бўйича Нукус шаҳар олий спорт маҳорати мактаби белбоғли кураш тренери, белбоғли кураш бўйича республика тоифасидаги ҳакам: 

- Ташкилотчиларга раҳмат, мазкур чемпионатга ҳам юқори савияда тайёргарлик кўрилган. Белбоғли кураш бўйича Қорақалпоғистон Республикаси бош мураббийи  Шарап Сарев бошчилигида 23 нафар шогирдларимиз билан мусобақада иштирок этдик. Натижаларимиз ёмон эмас. Жамоа аъзоларимиздан +70 кг.да Лаззат Толепбергенова, 71. кг.да Севара Шаженова, 90 кг.да Бердимурат Рембаевлар фахрли иккинчи ўринларни банд этишган бўлишса,  44 кг.да Молдир Алимбаева ва 57 кг.да Турсунай Кошнязовалар учинчи ўринларни эгаллаб, бронза медалларини қўлга киритди. Айтиш жоиз, кейинги йилларда бизда ҳам белбоғли кураш кенг оммалашган. Айни пайтда Қорақалпоғистонда минг нафарга яқин ўғил-қизлар белбоғли кураш бўйича мунтазам машғулотларга қатнайди. Ҳатто, белбоғли кураш бўйича бир нечта спортчиларимиз жаҳон чемпионатларида, халқаро турнирларада олтин ва кумуш медалларга эга чиқишган. Мақсадимиз - спортни оммалаштириш, миллий спорт туримиз саналаган белбоғли курашни оммалаштириш, қолаверса, шогирдларимиз орасидан кучлиларини саралаб, катта спорт сари етаклаш ва жаҳон спорт майдонларида ғолиб бўлишини таъминлашдан иборат.

Илҳом РАҲМОНОВ тайёрлади