"Тўрт нафар Олимпиада чемпиони жам бўлганида". Тошкентда Халқаро бокс куни муносабати билан флешмоб ташкил этилди

Шу муносабат билан, бугун Тошкент шаҳридаги "Экопарк"да катта флешмоб ташкил этилди. Унда Олимпиада чемпионлари - Муҳаммадқодир Абдуллаев, Ҳасанбой Дўсматов, Шаҳобиддин Зоиров, Фазлиддин Ғоибназаров, шунингдек ёш боксчилар, мураббийлар, мухлислар ва ОАВ ходимлари иштирок этишди. 

Тадбир давомида Олимпиада чемпионлари ёш боксчиларга мастер-класс намойиш этишди. Ўз навбатида тадбир иштирокчилари бўлган ёш боксчилар ўз кумирларининг ҳаракатларини такроран бажариб, ўзига хос флешмобни ташкил этиб беришди. Токио Олимпиадаси чемпиони Баҳодир Жалолов айни пайтда бугунги сана муносабати билан Сербияда бўлганиги боис, бугунги тадбирда иштирок эта олмади.

Флешмобдан сўнг мухлислар учун автограф сессия ташкил этилди. Бу эса фотосессияга уланиб кетди. Шу тариқа, ўзбек боксининг тўрт нафар Олимпиада чемпиони иштирокидаги тадбир ўз якунига етди. 

Ўзбекистон бокс федерацияси матбуот хизмати

Тадбирдан ажойиб суратларни томоша қилинг. 

Суратлар муаллифи: Азиз Тўхтамуродов