Тошкент шаҳрида ҳам йил якуни сарҳисоб қилинди

Йиғилиш жисмоний тарбия ва спорт бўйича мутахассисларни қайта тайёрлаш ва малакасини ошириш институти ректори, профессор И.Турсуналиев, Тошкент шаҳар спортни ривожлантириш бош бошқармаси бошлиғи А.Вакилов бошчилигида ўтказилди. 

Йиғилиш давомида бош бошқарма ва унинг тасарруфидаги спорт таълим муассасаларининг 2022 йилда амалга оширилган ишлари сарҳисоб қилинди. Бунда барча йўналишлар доирасида бош бошқарма ходимлари томонидан йил якуни бўйича ҳисоботлари тингланди ва 2023 йилда амалга ошириладиган устувор вазифалар белгилаб олинди.

Йиғилиш якунида жисмоний тарбия спорт соҳасида самарали фаолият юритиб келаётган ходимлар муносиб тақдирланди.