21 ноя 14:43
Янгиликлар

Бокс/ММА

Тошкент шаҳрида ўтказиладиган U-22 Осиё чемпионатининг янги санаси маълум қилинди

Ёдингизда бўлса, шу йил Тошкент шаҳрида 22 ёшгача бўлган боксчилар ўртасида Осиё чемпионати ўтказилиши ҳақида хабар қилгандик.

Аммо, маълум сабабларга кўра ушбу мусобақа муддати ўзгарганди. Куни кеча, Осиё бокс конфедерациясининг Ижроия Қўмитаси аъзоларининг йиғилиши бўлиб ўтди.

Унда 2022 йилда турли ёш тоифаларида ўтказиладиган Осиё чемпионатларининг ташкилий масалалари ҳам муҳокама қилинди.

Ижроқўм қарорига кўра, 22 ёшгача бўлган боксчилар ўртасидаги қитъа чемпионати 2022 йилнинг 20-30 январь кунлари Тошкент шаҳрида ўтказилади.

Қолган ёш тоифалари бўйича ўтказиладиган Осиё чемпионатлари манзиллари ва саналари яқин орада эълон қилинади.