Тошкент вилояти аҳолиси карантин даврини спортдан ва ишдан узилмаган ҳолда ўтказмоқда

Жорий йилнинг 15 март санасида Ўзбекистонда илк бора коронавирусга чалинганлик ҳолати қайд этилди. Шу муносабат билан, 2020 йил 16 мартдан бошлаб Ўзбекистон Республикаси Жисмоний тарбия ва спорт вазирлиги тизимидаги барча таълим муассасалари номаълум муддатга ёпилган эди.

Тошкент вилояти Жисмоний тарбия ва спорт бошқармаси бошлиғи ташаббуси билан вилоят спорт тизимида ишловчи барча ишчи-ходимларнинг масофадан туриб иш-фаолиятини давом эттириш тизими йўлга қўйилди.

Жумладан, бошқарма ходимлари ҳам ўз уйларидан туриб ҳар кунлик иш-фаолияти билан машғул бўлишмоқда. Ходимларнинг самарали меҳнат фаолияти учун барча шарт-шароитлар яратиб берилди.

Шунингдек, Тошкент вилояти аҳолиси ўртасида бўш вақтни мазмунли ташкил этишда уй шароитида спорт билан мунтазам шуғулланишни ташкил этиш борасида Жисмоний тарбия ва спорт бошқармаси томонидан бир қатор ишлар амалга оширилмоқда.

Бошқарманинг ижтимоий тармоқлардаги расмий саҳифаларида уй шароитида спорт билан шуғулланиш бўйича кўргазмали лавҳалар ва тавсиялар мунтазам бериб борилмоқда.