Тошкент вилояти Жисмоний тарбия ва спорт бошқармаси спорт фестивали ташкил қилди

Ўзбекистон Республикаси Президентининг 2017 йил 3 июндаги “Ўзбекистон Республикасида Оммавий спортни янада ривожлантиришга доир қўшимча чора – тадбирлар тўғрисида”ги  ПҚ-3031-сонли қарори ижросини таъминлаш, шунингдек Тошкент вилоятида оммавий спортни кенг ривожлантириш, ёшларни спортга кенг жалб қилиш мақсадида, Тошкент вилояти жисмоний тарбия ва спорт бошқармаси ва  Жисмоний тарбия ва спортни ривожлантириш жамғармаси Тошкент вилояти филиали томонидан Ўртачирчик  туманида жойлашган 124-махсус мактаб интернатида (жисмоний имконияти чекланган ўқувчилар) “1-июнь Халқаро болаларни ҳимоя қилиш куни” муносабати билан  “Ҳар бир болага меҳр, эътибор!” шиори остида  спорт фестивали ташкил этилди.

Мусобақада ўқувчи ёшлар 2 гурухга бўлиниб ўзаро беллашдилар. Кўтаринки кайфиятда ўтказилган тадбир ҳақиқий спорт байрамига айланиб кетди. 1 июнь Халқаро болаларни ҳимоя қилиш куни арафасида болаларга байрамона кайфият улашилди. Тадбир сўнгида ғолиб жамоа ҳамда ўқувчи ёшларга Жисмоний тарбия ва спортни ривожлантириш жамғармаси Тошкент вилояти филиали томонидан қимматбахо эсдалик совғалари ва фахрий ёрлиқлар топширилди.