Тошкент вилояти ёш спортчилари Нурафшон шаҳар ҳокими соврини учун курашди

Ўзбекистон Республикаси Президентининг бешта муҳим ташаббусининг иккинчи ташаббуси «Ёшларни жисмоний чиниқтириш, уларнинг спорт соҳасида қобилиятини намоён қилишлари учун зарур шароитлар яратиш ҳамда аҳоли орасида оммавий спортни янада кўпроқ тарғиб қилиш» бўйича Тошкент вилояти Жисмоний тарбия ва спорт бошқармаси томонидан бир неча тадбирлар ўтказилмоқда.

Нурафшон шаҳар Жисмоний тарбия ва спорт бўлими, БЎСМ ва  Нурафшон шаҳар  халқ таълими бўлими ҳамкорлигида  мактабларда иқтидорли ёш спортчиларни аниқлаб олиш, ёшларнинг бўш вақтларини тўғри ташкил этиш, кучли спортчиларни вилоят, Ўзбекистон чемпионати ва халқаро мусобақаларга саралаб олиш мақсадида  шахмат, стол тенниси, волейбол, баскетбол, мини футбол бўйича  «Нурафшон шаҳар ҳокими соврини» учун чемпионат ўтказилди.

Тадбирда энг яхши жамоалар ва иқтидорли ёшлар саралаб олиниб, ғолиблар тегишли даражада диплом, медаль ва қимматбаҳо совғалар билан тақдирланди.