Тошкент вилоятида аҳолини спортга жалб этиш борасида тадбирлар ташкил этилмоқда

Ҳозирги кунда спортчилар ҳам карантин талабларига риоя қилган ҳолда машғулотларни олиб бориши, шунингдек, аҳолининг бўш вақтларини мазмунли ташкил этиш ва саломатликларини тиклашда устувор бўлган спорт машғулотлари жараёнига уларни кўпроқ жалб этиш масаласига алоҳида эътибор қаратилмоқда.

Кеча Тошкент вилояти жисмоний тарбия ва спорт бошқармаси, Тошкент тумани жисмоний тарбия ва спорт бўлими ташаббуси билан спортчилар, тренерлар ва аҳоли вакиллари билан биргаликда саломатликни тиклашга қаратилган оммавий бадантарбия машғулотлари ва “Соғлом ҳаёт учун 5 минг қадам” шиори остида пиёда сайр ташкил этилди.

Ушбу спорт тадбирида 100 нафардан ортиқ иштирокчилар фаол қатнашди. Ҳозирда Тошкент вилояти бўйлаб аҳоли вакилларини спортга жалб этиш ва бу борада уларга шароит яратиб бериш бўйича Жисмоний тарбия ва спорт бошқармаси томонидан кенг кўламли ишлар амалга оширилмоқда.