Тошкент вилоятида «Ватанпарварлик ойлиги» якунланди

Ватанпарварлик ойлиги акциясида Тошкент вилояти ҳудудида жойлашган барча Қуролли кучлар тизими бўлинмалари фаол иштирок этди. Чирчиқ олий ҳарбий танк қўмондонлик, муҳандислик билим юрти курсантлари, Мудофаа вазирлиги Махсус бўлинмаси техник намойиши, Мудофаа вазирлигининг Марказий ҳарбий оркестри, Миллий Гвардия ҳарбий хизматчиларининг кўргазмали чиқишлари шулар жумласидан.

Ёшларни Ватанпарварлик руҳида тарбиялаш, уларда ҳарбий хизматга бўлган иштиёқни ошириш мақсадида ташкил этилган кўргазмада ёшлар жанговар техника ва қуроллар билан яқиндан танишиб, ҳарбийларнинг шарафли вазифаларига оид қизиқарли маълумотларга эга бўлдилар.

Шунингдек, тадбир доирасида ташкил этилган ҳарбийлар ҳамда ёшлар орасида ўтказилган шахмат-шашка ва стол тенниси мусобақалари ҳамда санъаткорларнинг куй-қўшиқлари йиғилганларга ўзгача руҳ бағишлади.