Тошкент яна бир жаҳон чемпионатига мезбонлик қилишга яқин

Сафар давомида диёримизда волейбол спорти ривожини янги босқичга олиб чиқиш, уни янада оммалаштириш, маҳаллий мутахассислар малакасини ошириш, келгусида йирик халқаро мусобақаларни юртимизда ўтказишга доир истиқболли режалар муҳокама этилади.

Биздаги маълумотларга кўра, пойтахтимиз 2025 йилги ёшлар (U-19 ўғил болалар) ўртасидаги жаҳон чемпионатига мезбонлик қилади. Ушбу хабарнинг эртага волейбол бўйича Ўзбекистон чемпионати доирасида расман эълон қилиниши кутилмоқда.

Ушбу ёш тоифасидаги сўнгги жаҳон чемпионати 2023 йил Аргентинанинг Сан-Хуан шаҳрида ўтказилиб, Франция терма жамоасининг ғалабаси билан якунланганди. Французлар финал учрашувида Эрон терма жамоасини 3:1 ҳисобида мағлуб этишганди. Жаҳон чемпионатининг бронза медаллари АҚШдан 3:1 ҳисобида устун келган Корея Республикасига насиб қилган эди. 

Маълумот учун, 2025 йилги катталар ўртасидаги жаҳон чемпионатига тарихда илк бор Филиппин (12-28 сентябрь, эркаклар жамоалари ўртасида) ҳамда Таиланд (22 август - 7 сентябрь, аёллар жамоалари ўртасида) давлатлари мезбонлик қилади.