Тошкентда 120 000 долларлик "Президент соврини учун" халқаро турнир якунланди ФОТОРЕПОРТАЖ

Соврин жамғармаси 120 000 АҚШ доллари бўлган турнирнинг стандарт йўналишида россиялик Санан Сюгиров 7,5 очко тўплаб, ғолиблик шоҳсупасининг энг юқори поғонасидан ўрин олди. Чемпионга 12 000 доллар тақдим этилди. Ханс Моке Ниманн (АҚШ) ва Максим Матлаков (Россия) кучли учликдан жой эгаллашди.

Ҳамюртларимиздан энг яхши натижани ёш гроссмейстеримиз Жавоҳир Синдоров кўрсатди - 5-ўрин! Акмал Файзуллаев 7, Жаҳонгир Воҳидов 8, Нодирбек Ёқуббоев 12, Шамсиддин Воҳидов 13, Нодирбек Абдусатторов 14, Абдумалик Абдусалимов 19, Ортиқ Ниғматов эса 20-ўрин билан кифояланди.

Мусобақанинг ғолиб ва совриндорларини тақдирлаш маросимида Бош вазир ўринбосари, Туризм ва спорт вазири, шахмат федерацияси раиси Азиз Абдуҳакимов иштирок этди.

Шунингдек, тадбирда FIDE президенти маслаҳатчиси Берик Балгабоев, Араб давлатлари шахмат федерацияси президенти шайх Саид Алмуалла ва FIDE турнир комиссияси раиси Ўзғур Солак ўғли ҳозир бўлди.

Алимурод МАМАДАМИНОВ, ўз мухбиримиз