13 окт 18:10
Янгиликлар
Бокс/ММА
Тошкентда 8 та мамлакат бокс жамоалари иштирокида йиғин ўтказилади
Бу ҳақда Ўзбекистон бокс федерацияси маълум қилди.
"12-27 октябрь кунлари Тошкент шаҳри жамоамизнинг навбатдаги машғулотларига мезбонлик қилади. Аҳамиятлиси ушбу йиғинга Жазоир, Туркманистон, Фаластин, Озарбайжон, Япония, Марокаш боксчилари ва Россиянинг икки таркиб спортчилари жалб этилган.
Йиғин Баҳодир Жалолов номидаги боксга ихтисослаштирилган спорт мактаби ва Республика Олимпия ва Паралимпия спорт турларига тайёрлаш маркази залида бўлиб ўтади", дейилади хабарда.
Бокс терма жамоамизни олдинда 7-21 ноябрь кунлари Ар-Риёд шаҳри (Саудия Арабистони) мезбонлик қиладиган Ислом бирдамлик ўйинлари кутиб турибди.
Ҳавола :
Манба : olamsport.com
Фикрлар