Тошкентда “Алпомиш ва Барчиной” халқаро мусобақаси бошланди ФОТОГАЛЕРЕЯ

Иккинчи бор ташкил этилаётган мазкур турнирнинг тантанали очилиш маросими бўлиб ўтди.

Тадбирда Спортни ривожлантириш вазирининг ўринбосари Шаҳрулло Маҳмудов, МОҚ Бош котиби Ойбек Касимов, Ўзбекистон Республикаси Миллий гвардияси ҳамда Ўзбекистон камондан отиш федерацияси мутасаддилари иштирок этишди.

Мусобақада сўз олган расмийлар давлатимизнинг эътибори билан ушбу спорт турида ҳам терма жамоамиз вакиллари тобора юқори натижаларни қайд этиб келаётганлари, унинг республикамиз бўйлаб оммалашуви ортиб бораётганига алоҳида тўхталишди. 

Бу йилги баҳсларда ҳамюртларимиздан ташқари Қозоғистон, Тожикистон, БАА, Қирғизистон каби давлатлардан 100 нафарга яқин спортчи ғолиблик учун баҳс олиб боришмоқда. Мусобақанинг 5 та дастурда саралаш босқичи бошланди. 26-август куни барча йўналишларда ғолиб ва совриндорлар аниқлаб олинади.

Суратлар муаллифи - Алимурод МАМАДАМИНОВ, ўз мухбиримиз