Тошкентда бадиий гимнастика бўйича Жаҳон кубоги босқичи ниҳоясига етди + ФОТОГАЛЕРЕЯ

Мусобақанинг охирги кунида Ўзбекистон терма жамоаси 2 та бронза медалига сазовор бўлди. Тахмина Икромова ҳалқадаги машқда, шунингдек, гуруҳ машқида 5 ҳалқа билан чиқиш қилган қизларимиз шоҳсупанинг учинчи поғонасига кўтарилишди.

Ҳалқа:

1. София Рафаели (Италия),

2. Маргарита Колосов (Германия),

3. Тахмина Икромова (Ўзбекистон).

5 ҳалқада гуруҳ машқи:

1. Хитой,

2. Қозоғистон,

3. Ўзбекистон (Екатерина Фетисова, Мумтозабону Исхокзода, Наргиза Жуманиязова, Рухшона Деҳконова, Иродахон Садикова).

Шу тариқа, терма жамоамиз ушбу мусобақани 1 та кумуш ва 3 та бронза медаллари билан якунлади.

Жаҳон кубоги босқичи якунига етгач, мусобақанинг тантанали ёпилиш маросими ҳамда гала – концерт бўлиб ўтди. Концертда гимнастикачи қизларнинг ҳам ўз чиқишлари билан қатнашгани барчага манзур бўлди.

Тантанали маросимда ёшлар сиёсати ва спорт вазирлиги, миллий олимпия қўмитаси масъул раҳбарлари ҳозир бўлдилар.

Муаллиф - Алимурод Мамадаминов, olamsport.com мухбири