Тошкентда бадиий гимнастика бўйича Жаҳон кубоги босқичи старт олди + ФОТОГАЛЕРЕЯ

16 апрелга қадар давом этадиган мусобақада 31 мамлакатдан ташриф буюрган спортчилар ғолиблик учун баҳс олиб боради. Мусобақа дастурига кўра, кеча ҳалқа ва тўп билан машқлар бўйича саралаш баҳслари бўлиб ўтди. 

Жамоавий баҳсларда Эстония, Озарбойжон, АҚШ, Австрия, Германия, Туркия, Қозоғистон, Финляндия, Хитой,Ўзбекистон каби давлатлар ўз дастурларини намойиш этдилар. Ҳакамлар ҳайъатининг якдил қарорига кўра, 1-ўрин Хитой (34,45 балл), 2-ўрин Германия (29,60 балл) ва 3-ўрин Ўзбекистон (29,05 балл) гимнастикачиларига насиб этди.

Жаҳон кубоги баҳсларида мамлакатимиз шарафини Тахмина Икромова ҳамда Ёсмина Раҳимова яккалик, Екатерина Фетисова, Рухшона Деҳқонова, Шаҳзода Ибрагимова, Наргиза Жуманиёзова, Мумтоза Исъҳоқзода, Иродахон Содиқова гуруҳ машқида юртимиз шарафини ҳимоя қилмоқда.  

Кечки дастурдан сўнг, Жаҳон кубоги босқичининг тантанали очилиш маросими бўлиб ўтди.

Мусобақалар 16 апрелга қадар давом этади.

Суратлар муаллифи - Алимурод Мамадаминов, olamsport.com фотомухбири