12 окт 17:24
Янгиликлар

Стол тенниси

Тошкентда илк бор стол тенниси бўйича Осиё чемпионати ўтказилади

19-25 октябрь кунлари Тошкентдаги "Олимпия шаҳарчаси" стол тенниси бўйича катталар ўртасидаги Осиё чемпионатига мезбонлик қилади.

Мазкур қитъа биринчилиги Ўзбекистонда илк бор ўтказилмоқда.

Мусобақада 33 мамлакатдан 255 нафар спортчи иштирок этади. Беллашувлар яккалик, жуфтлик, аралаш жуфтлик ҳамда жамоавий дастурларда ташкил қилинади.

Жамоавий баҳсларда келаси йили Қозоғистонда бўлиб ўтадиган жаҳон чемпионатига йўлланмалар ҳам ўйналади.

Осиё чемпионатида Ўзбекистон терма жамоасининг 10 нафар спортчиси қатнашади. Ҳамюртларимиз 12 октябрдан КХДР ва Қирғизистон терма жамоалари билан мусобақа олдидан сўнгги тайёргарлик йиғинини бошлайди.