08 май 13:00
Янгиликлар

Велоспорт

Тошкентда "Оила куни"га бағишланган велотур ташкил қилинади

Теглар : Велотур

Ўзбекистон велосипед спорти Федерацияси ҳамда Ўзбекистон Хотин-қизлар қўмитаси 12 май куни Тошкент шаҳрида “15-май Халқаро оила куни” муносабати билан “Соғлом оила – жамият бойлиги” шиори остида ҳаваскор хотин-қизлар ўртасида велотур ташкил қилади.

Мусобақа 18–30, 31–44 ҳамда 45 ёш тоифаларида бўлиб ўтади.

Маълумот учун, велотур Тошкент шаҳар, Яшнобод туманидаги "Корзинка Авиатор" савдо мажмуасидан “Мирзо Улуғбек” кўчасигача, “Мирзо Улуғбек” кўчаси ва “Тараққиёт” кўчалари кесишган жойидан "Корзинка Авиатор" савдо мажмуасигача ўтказилиши белгиланган. Иштирокчи ҳаваскор хотин-қизлар мусобақада ўз велосипедлари билан қатнашишлари лозим. Мусобақа иштирокчиларини рўйхатдан ўтказилиш соати 07:00 дан 09:00 гача бўлиб ўтади. Мусобақа 10:00 да бошланади.

Ташкилотчилар билан боғланиш учун: Ўзбекистон Хотин-қизлар қўмитаси (+99871- 244-03-80), Ўзбекистон велосипед спорти Федерацияси (+99871-237-47-44).