11 окт 12:33
Янгиликлар

Самбо

Тошкентда Осиё самбо федерациясининг Конгресси бўлиб ўтди

Хабар берганимиздек, бугун пойтахтимиздаги “Ўзбекистон” спорт саройида самбо бўйича ўсмирлар ва ёшлар ўртасидаги Жаҳон чемпионати старт олди.

Кеча эса мусобақа олдидан Осиё самбо федерациясининг Конгресси бўлиб ўтди. Маросимни Осиё самбо федерацияси президенти, ҳамюртимиз Аламжон Муллаев олиб борди.

Конгрессда самбо спорт турининг Осиё қитъасидаги ривожи, уч йиллик мусобақалар тақвим режаси, ҳакамлар ва мураббийлар малакасини янада ошириш, улар учун турли семинарлар ташкил этиб бериш ва бошқа қатор масалалар муҳокама қилинди.

Эслатиб ўтамиз, ўтган йили Индонезиянинг Жакарта ва Палембанг шаҳарлари мезбонлигида ўтган 18-Осиё ўйинларида илк бор самбо бўйича беллашувлар ташкил этилган эди.