25 ноя 15:34
Янгиликлар

Бокс/ММА

Тошкентда ўтадиган Octagon 68 турнирининг марказий жанги эълон қилинди

29 декабрь куни Тошкентдаги "Ҳумо Арена" мажмуасида ММА бўйича Octagon 68 турнири бўлиб ўтади.

Ташкилотчилар оқшомнинг марказий жангини эълон қилишди.

Ўта енгил вазн тоифасида Лиганинг амалдаги чемпиони бўлиб турган ҳамюртимиз Анвар Абдуллаев турнир доирасида Озарбайжон вакили Фарид Алибабазаде билан тўқнаш келади.

Абдуллаев фаолияти давомида ҳозирга қадар 8 та жанг ўтказиб, барчасида ғалаба қозонган. Алибабазаденинг ҳисобида эса 13 ғалаба ва 7 мағлубият бор.

Аввалроқ, яна бир ўзбекистонлик аралаш яккакураш устаси — Муҳиддин Мамажонов ҳам Octagon 68 турнирида жанг қилиши ҳақида хабар берган эдик.