Тошкентда Ўзбекистон ва Қозоғистон дзюдочиларининг қўшма машғулоти бошланди + ФОТОРЕПОРТАЖ

Ўзбекистон дзюдо федерацияси марказида ўтказилаётган машғулотлар ҳар икки терма жамоа учун йил сўнггига қадар бўлган мусобақалар, хусусан келаси ой Саудия Арабистони давлати мезбонлик қиладиган Ислом Бирдамлиги ўйинларига тайёргарлик вазифасини ўтаб бермоқда. 

Йиғиннинг мазмунли ва самарали ўтиши кутилмоқда: дзюдочиларни кучли спарринглар, тажриба алмашиш ва етакчи мураббийлар раҳбарлигида машғулотлар кутмоқда. Буларнинг барчаси бир мақсадга - ўз мамлакатларини халқаро майдонда муносиб намойиш этиш ва жаҳон дзюдосида ўз мавқеини мустаҳкамлашга хизмат қилади.