Тошкентда слаломда эшкак эшиш бўйича Ўзбекистон чемпионатига старт берилди

Тошкент шаҳридаги Бўзсув каналида Туризм ва спорт вазирлигининг спорт ва оммавий жисмоний тарбия тадбирларининг 2021 йил учун Республика календар режасига мувофиқ, спортнинг слаломда эшкак эшиш тури бўйича 2001-2004 йилда туғилган ёшлар ҳамда 2005 йилда туғилганлар ва ундан кичик ёшли спортчилар ўртасида Ўзбекистон чемпионати бошланди. Мусобақа 10 октябрга қадар давом этади.

Слаломда эшкак эшиш бўйича Ўзбекистон чемпионатида мамлакатимизнинг 6та ҳудудидан спортчилар иштирок этишмоқда. Булар – Андижон вилоятидан 17 нафар, Фарғонадан 55 нафар, Намангандан 50 нафар, Самарқанддан 35 нафар, Тошкент вилоятидан 15 нафар ҳамда мусобақа мезбони Тошкент шаҳридан 62 нафар, жами 234 нафар иштирокчи Ўзбекистон чемпионлиги учун баҳс олиб боришяпти.

Чемпионат якунида Ўзбекистон ўсмирлар ва ёшлар терма жамоасига муносиб номзодлар саралаб олинади ва улар терма жамоа таркибида келгуси йил бўладиган нуфузли халқаро мусобақаларга тайёргарликни давом эттиришади.