UZ

Сўнгги янгиликлар

20:03Тринкау "Барселона"га қайтди 0 19:41Хамзат Чимаев: "Дана Уайт! Мен у билан жанг қилишни истайман" 0 19:20Тейшейра яна Дана Уайтга мурожаат қилди 0 18:58Макс Холлоуэй мағлубиятдан сўнг Александр Волкановскига мурожаат қилди 0 18:44Азамат Нуфтиллаевнинг навбатдаги жанг санаси ва рақиби маълум + ПОСТЕР 0 18:36Расман: "Барселона" текинга Кессье билан шартнома имзолади 0 18:19Майк Тайсон нима учун Усик Жошуани мағлуб этгани ҳақида гапирди 0 18:03"Елорда кубоги". Боксчиларимиз Қозоғистондаги мусобақада 16 та медаль қўлга киритишди 0 17:49Алекс Волкановски: "Оливейра билан жанг қилишни истайман, чунки..." 0 17:25Жон Жонс кимга қарши жанг қилмоқчи эканлигини маълум қилди 0 17:03МЮ бош мураббийи шахсан Роналду билан унинг келажагини муҳокама қилмоқчи 0 16:42Головкин фаолиятидаги энг қийин рақиб ҳақида гапирди. У Канело эмас 0 16:20Оливейра: "Хабиб жим туриши керак эди" 0 15:59Африкаликлар ижросидаги ўзбекча қўшиқ, қонли жанглар ёхуд кикбоксинг бўйича ўтказилган халқаро турнирнинг сиз кўрмаган ФОТОГАЛЕРЕЯСИ 0 15:37МЮ ва "Арсенал" Дибала борасида таклиф берди 0

07 сен 17:40
Янгиликлар

Ўқ отиш

Тошкентда ХОҚнинг “Олимпия бирдамлиги” дастури асосида ўқ отиш спорти мураббийлари учун ўқув-техник семинари иш бошлади

Теглар :  Ўқ отиш
Ўзбекистон Миллий олимпия қўмитаси (МОҚ) Ўзбекистон ўқ отиш федерацияси билан ҳамкорликда спортнинг ушбу тури мураббийлари учун ўқув-техник семинарини бошлади.

Мазкур семинар Халқаро олимпия қўмитаси (ХОҚ)нинг “Олимпия бирдамлиги” дастури асосида ўтказилмоқда. 

Пойтахтимиздаги “Grand Atlas” меҳмонхонасида ташкил этилаётган семинарни олиб бориш учун Ҳиндистон ва Норвегиялик халқаро экспертлар Сонал Рамендра ва Лейф Стейнар Ролландлар таклиф этилишган. 

Семинар дастури замонавий босқичда юқори тоифадаги спортчиларни тайёрлаш масаласида назарий машғулотлар билан биргаликда, мураббийларнинг профессионал малакасини халқаро талаблар даражасида ошириш масалаларини ҳам қамраб олади. Ўқув-техник курслари давомида мураббийлар шунингдек, мерганлар билан ишлаш масаласида янги кўникмаларга эга бўлиш, назарий билим ва даражаларини ошириш имконига эга бўлишади. 

Республикамизнинг турли ҳудудлари ва пойтахтимиз Тошкентдан 40 нафар мураббий мазкур семинарда иштирок этмоқда. Семинар қатнашчиларининг ҳар бири методик қўлланмалар билан таъминланишди. 

Сир эмаски, ўқ отиш спорти Ўзбекистонда оммавийлашиб келаётган спорт турларидан ҳисобланади. Юртимиз Мустақилликка эришгач, сўнгги 26 йил давомида спортчиларимиз бир қатор йирик халқаро турнирлар ва нуфузли мусобақаларда ижобий натижаларга эришиб келмоқдалар. Семинар давомида орттирилган тажриба ва кўникмалар ўқ отиш спортининг мамлакатимизда янада ривожланиши ва ташкил этиладиган мусобақаларнинг савияси ошишига туртки бўлади. 

Семинарнинг тантанали ёпилиш маросими 2017 йилнинг 11 сентябрь куни Ўзбекистон Миллий олимпия қўмитаси биносида бўлиб ўтади. Унда семинарнинг фаол тингловчиларига Халқаро олимпия қўмитаси Президенти Томас Бахнинг имзоси билан махсус Сертификатлар топширилади. Таъкидлаш лозимки, мазкур семинарнинг ўтказилиши мамлакатимизда ўқ отиш спортининг жадал суратлар билан ривожланишида муҳим аҳамият касб этади. 

Маълумот учун, Миллий олимпия қўмитаси 1997 йилдан бери спорт кадрлари малакасини ошириш йўлида шу каби семинарларни ўтказиб келмоқда. Ортда қолган давр мобайнида МОҚ Халқаро олимпия қўмитаси ёрдамида бадиий ва спорт гимнастикаси, қиличбозлик, баскетбол, спорт курашлари, таэквондо, дзюдо, енгил атлетика, сузиш, волейбол, от спорти, фигурали учиш ва бошқа спорт турлари мутахассислари учун 40 дан зиёд ўқув курслари ташкил этди.

Рейтинг:    

Фикрлар

< сўнгги янгиликларни кўриш

Olamsport ни Facebook да ўқиш
учун "Yoqdi"ни босинг