25 июн 11:05
Янгиликлар

Енгил атлетика, Тадбирлар

Тошкентда "Янги нафас" югуриш мусобақаси ташкил этилди (ФОТОГАЛЕРЕЯ)

Бугун эрта тонгда пойтахтимиздаги кўп тармоқли “Humo Arena” муз саройи ҳудудида минглаб спортсевар инсонлар тўпланишди.

Бу ерда 30 июнь – Ёшлар кунига бағишланган “Yangi Nafas” ва Ватан қалқони ҳарбий-ватанпарварлик оммавий югуриш мусобақаси ўтказилди. Шу ернинг ўзида Халқаро олимпия куни (Olympic Day) муносабати билан бир миляга тенг рамзий масофага оммавий югуриш ҳам бўлиб ўтди.

Республикамизнинг 16 та шаҳрида югуриш мусобақаларининг “Бир Ватанда, бир вақтда, бир масофага, бир мақсадда – бирга югурамиз” умумий шиори остида бўлиб ўтгани диққатга сазовордир.

Югуриш мусобақасида ғолиб ва совриндор бўлган спортсевар қалб эгаларини тақдирлаш маросими эса бугун кечқурун “Миллий боғ”да бўлиб ўтади. Бу ерда тақдирлаш маросими билан бирга катта концерт дастурини ҳам намойиш этиш режалаштирилган.

Мусобақадан суратларни томоша қилинг.

Фото: Алимурод Мамадаминов