Тошкентга келаётган "Озодлик ороли" таркибида Олимпиаданинг 4 та медали соҳибаси бор

Жаҳон чемпионатидаги иштирокини расман тасдиқлаган давлатлар сони 85 тага етди. Халқаро дзюдо федерацияси расмий сайтида Тошкентга келиши қайд этилган дзюдочилар сони эса 566 (307 эркак, 259 аёл) нафарни ташкил этяпти. 

Улар орасида Куба терма жамоаси ҳам бор. "Озодлик ороли" вакиллари ҳозирча 12 нафар (7 эркак, 5 аёл) дзюдочини рўйхатдан ўтказишган. Таркибда Олимпия ўйинларининг 1 та олтин (Лондон-2012), 2 та кумуш (Рио-2016 ва Токио-2020), 1 та бронза (Пекин-2008) медали совриндори Идалис Ортиз ҳам бор. 32 ёшли дзюдочи +78 кг вазн тоифасида Куба шарафини ҳимоя қилиб келяпти. 

Куба терма жамоаси таркиби

Эркаклар: Данни Порте (-60 кг), Кими Бланко Браво, Орландо Полансо (иккиси ҳам -66 кг), Магдиэл Эстрада (-73 кг), Иван Фелипе Моралес (-90 кг), Энди Гранда, Омар Леон Круз (иккиси ҳам +100 кг).

Аёллар: Мелисса Муньос Хуртадо (-52 кг), Арнаес Гарсия Оделин (-57 кг), Майлин Дель Торо Карвахаль (-63 кг), Калиема Антомарчи (-78 кг), Идалис Ортиз (+78 кг).