08 янв 16:26
Янгиликлар

Эшкак эшиш

Тўябўғиз музлаяпти. Эшкак эшувчиларимизнинг машғулоти қандай ўтмоқда?

Юртимизда юзага келган совуқ об-ҳаво сабаб Тошкент вилоятида жойлаган Туябўғиз сув омборининг юзаси музлади.

Шу сабаб ушбу масканда шуғулланаётган эшкак эшувчиларимиз сувда машғулот ўтказа олишмаяпти. Бироқ янги мавсумда ўз олдига жиддий мақсад қўйган спортчиларимиз машғулотларни тренажёр залида давом эттиришмоқда. Айни дамда ушбу базада академик эшкак эшувчиларимизнинг тўлиқ таркиби, шунингдек, байдарка ва каноэчиларимизнинг маълум қисми машғулот олиб боришмоқда.

Янги мавсумда Токио Олимпиадасига йўлланма берувчи лицензион мусобақага тайёрланаётган байдарка ва каноэда эшкак эшувчиларимизнинг асосий қисми эса Туркиянинг Белек шаҳрида йиғинларни давом эттиришмоқда. Эслатиб ўтамиз, жамоамизнинг Туркиядаги йиғини ўтган йилнинг ноябрь ойида бошланган эди.